Намалена казната на Балотели

Суспензијата од три натпревари за напаѓачот на Милан, Марио Балотели е намалена на два меча, но италијанскиот голгетер ќе го пропушти мечот со Јувентус.

Балотели ќе паузира на уште еден меч, овој викенд во дербито со Јувентус, бидејќи првиот натпревар од казната го отслужи во минатонеделното реми со Наполи (1:1).

Се очекува да се врати на фудбалскиот терен во следната недела за дуелот на домашен терен против Катанија.

Првата суспензија Балотели ја заработи затоа што го доби четвртиот жолт картон во сезоната на гостувањето кај Фиорентина (2:2). Другите два меча суспензија следеа откако тој по крајот на натпреварот го навредуваше помошниот судија.

„Росонерите“ упатија жалба на казната која беше редуцирана за еден натпревар.