Робињо: Сакам да останам во Милан

Напаѓачот на Милан, Робињо негира дека планира да замине од Сан Сиро по крајот на сезоната.

Бразилецот во зимскиот преоден рок се поврзуваше со враќање во родната земја, но еден ваков трансфер сепак не се реализираше.

Медиумите продолжуваат да шпекулираат за заминување на Робињо од Сан Сиро, но напаѓачот ги негира ваквите стории.

„Кој вели дека летоска ќе се вратам дома?” – рече Робињо во интервју за Gazzetta dello Sport.

„Постојано слушам за ова, но не знам ништо за враќање во Бразил”.

„Во јануари поминував низ еден тежок период, но тоа сега е минато”.

„Многу сум среќен во Милан и полека влегувам во форма. Сакам да останам на Сан Сиро”.

„Сакам добро да ја завршам сезоната, да играм одлично следната и потоа ќе разговараме за нов договор”.

„Можам да ве осигурам дека шестте натпревари до крајот на сезоната нема да ми бидат последни во дресот на ’Росоњерите’”.