Иако Аргентинецот пред само една година замина од Италија, тамошните медиуми тврдат дека напаѓачот на ПСЖ може да се врати во Серија А ова лето.
Лавеци вчера се појави во Милано каде бараше куќа за своето семејство и ручаше во ресторанот „Џианино“ кој е клупски ресторан на раководството и фудбалерите на Милан.
„Газета дело Спорт“ тврди дека има голема веројатност Лавеци следната сезона да го облече дресот на ‘росонерите’, нешто што и самиот фудбалер го потврди.
„Ова е прекрасен град и со сигурност миланските гиганти би биле добра опција за мене. Сепак шармот на Милан е супериорен во однос на Интер“, изјави Лавеци.
Двете управи (на Милан и ПСЖ) во последно време се во многу добри односи, а весникот тврди дека ‘росонерите’ ова лето сигурно ќе се ослободат од Робињо и Бојан Кркиќ, и дека ќе се обидат испразнетото место во нападот да го потполнат токму со Езекил Лавеци.
