Милан одбил да го купи Киелини за 4 милиони евра

Дефанзивецот на „старата дама“ Џорџо Киелини веќе неколку години успешно ја предводи одбранбената линија на својот клуб и на италијанската фудбалска репрезентација, меѓутоа многу лесно можело да се случи својата кариера да не ја изгради во Торино, туку во Милано.

Имено, првиот човек на Ливорно, Алдо Спинели, вели дека тој прво им го понудил Киелини на ’росонерите’, но тогаш Галиани одбил да го купи дефанзивецот за само 4 милиони евра.

„Бев на вечера во саботата со Масимилиано Алегри и со Адриано Галиани. Се потсетувавме на старите времиња и на оној момент кога Галиани не сакаше да потроши четири милиони евра на мојот Џорџо Киелини. Малку се смеевме“, изјави Спинели.

Киелини во 2004-та година се пресели во редовите на Јувентус, а сезоната 2004/2005, ја мина како позајмен фудбалер во Фиорентина. За националната селекција на Италија има одиграно вкупно 57 натпревари.