Поранешниот италијански репрезентативец има ограничен број на минути оваа сезона, во сенка е Ел Шарави, ретко ги почнува натпреварите, а сега е зад Балотели.
Меѓутоа, постигна 12 голови, во просек, стрелец е на секои 106 минути.
Тоа е подобро од сите останати напаѓачи во Серија А, зад него е Кавани кој дава гол на 119 минути, Ди Натале на 129 и Ел Шарави кој игра повеќе, постигнува гол на 135 минути.
„Да разјасниме, одлуката да дојдам во Милан е моја, едноставно ја видов оваа како голема шанса, а во Интер немаа доверба. Тоа мене можеби повеќе ме зацврсти во намерата да заминам. Бев блиску до Наполи, но се одлучив за Милан и не погрешив“, објасни Пацини.
