Капело, кој својата тренерска кариера ја започна токму во Милан истакна дека е многу поврзан со тој клуб и му порана на раководството дека Алегри е вистинскиот човек за клупата на ’росонерите’.
„Мојата врска со Милан е нераскинлива. Јас веќе 22 години го чувствувам тој клуб како моја фамилија и често кога сум во Италија го посетувам тренинг кампот. Клубот оваа година направи историска реконстрикција и сигурен сум дека набрзо повторно ќе бидат на врвот на европскиот фудбал“, истакна Капело.
„Кога се прави реконструкција со млади играчи потребно е време, но Алегри заврши феноменална работа и за многу брзо време го однесе Милан на вистинскиот пат. Тој постави темели на еден нов тим, кој игра убав фудбал и остана смирен кога го критикуваа. Од фундаментално значење за Милан е да го задржи Алегри бидејќи според мене тој е еден од најдобрите“, заклули Капело, а потоа ја коментираше ситуацијата на Јувентус.
„Јувентус оваа година немаше вистински ривали и триумфално се прошета до титулата. Италијанската лига повеќе не е како некогаш и најдобрите фудбалери сега заминуваат во Шпанија и Италија“, заклули екс-тренерот на Милан, Рома и Јувентус.
