Агентот на фудбалерот, Киа Јорабичијан вчера пристигна во Милано каде имаше двочасовен состакон со Адриано Галиани, на кој беа договорени сите детали од договорот. Имено, Тевез ќе потпише 3-годишен договор со миланскиот клуб и ќе заработува 4 милиони евра плус бонуси.
„Росонерите“ се во пол позиција за потписот бидејќи Милан е прв избор на Тевез, по што Јувентус порача дека се повлекува од трката со образложение дека не сака да ја крева цената на фудбалерот.
Медиумите соопштуваат дека Милан и Манчестер Сити лесно ќе се договорат за обештетувањето, но најпрво ’росонерите’ треба да го продадат Робињо, кој е многу блиску до трансфер во Сантос, а порај Бразилецот сигурно ќе замине и Кевин Принц Боатенг.
„Газета дело спорт“ пренесува дека пристигнувањето на Тевез не зависи од Ел Шарави и дека Милан сака да го задржи младиот напаѓач бидејќи верува дека со триото Ел Шарави – Балотели – Тевез ќе може да го врати Скудетото во Милано.
